गरेका थियौ बाचाहरू कसम तिम्रै हुन्छु भनी

गरेका थियौ बाचाहरू कसम तिम्रै हुन्छु भनी
जोडेका थियौ नाताहरू साथ छोडे रुन्छु भनी

सजायौ तिम्रो मुटु भित्र जुनी भर जिउँला भन्दै
चोखो प्रेम गरी दिए प्रीतको माला बुन्छु भनी

कहाँ छौ खोइ कहाँ कुन दुनियाँ मा छौ तिमी
खोजी हिँड्थ्यौ बिपनी झैं सपनीमा छुन्छु भनी

छेक्थ्यौ बाटो रोक्थ्यौ मलाई दोबाटोमा अल्मलिंदा
छड्के नजर लगाई हिंडे जाल भित्र थुन्छु भनी

साँचो माया अमर हुन्छ झुट गरे घात बन्छ
पिडा दिए बिछोडमा सबै आँशुले धुन्छु भनी

अतित सुब्बा
झापा