म मरे पनि तिमीले चुरा नफुटाउनु

मेरो भावना
टाढा भए पनि मेरो
याद नटुटाउनु
म मरे पनि तिमीले
चुरा नफुटाउनु ।।१।।

सौभाग्यको रातो टिका
निधारै मा रहोस
तिम्रा चोटहरू सबै
ईश्वोरले नै सहोस ।।
आँखा बाट कहिलै तिमीले
आँसु नछुटाउनु
म मरे पनि तिमीले
चुरा नफुटाउनु ।।२।।

मेरा यादहरूलाई
तिमीले सम्हाल्नु
दु;ख छोडी सधैँ तिमीले
सुख अंगाल्नु ।।
सँधैं भरि दु:खी भई
सुख नालुटाउनु
म मरे पनि तिमीले
चुरा नफुटाउनु ।।३।।

टाढा भए पनि मेरो
याद नटुटाउनु
म मरे पनि तिमीले
चुरा नफुटाउनु ।।

पुस्कल पौडेल (प्रतिक)
मेरो अन्तर हृदयको भावना- म र मेरो आत्मा संग जोडिएको छ जस्मा बनावटी र देखावटीभन्दा वास्तविक र ध्रुब सत्य कुरा बढी छ ।