मानौं मेरो देश सबकी साझा द्रौपदी हो
सयौं दुर्योधन र दुशासनहरु
चिमोट्छन निमोठछन्
त्यसैले त मेरो देश असाध्य दुखिराखेको छ
ऐया र आथ्या को कहर कोहि सुन्दैन
घोर कलियुग
तानातान र हानाहान
सत्ताको दाउमा च्याखें थापिरहेछन्
युधिष्ठिर नामर्द, अर्जुन लाचार छन्
कृष्णजीलाई पनि गोपिनीसंग भ्याईनभ्याई छ
द्रौपदी चीरहरण मन्चन भैराखेको बेला
अंधा धृतराष्ट्र हाम्रा नेता केहि देख्दैनन्
द्रोण र भिष्म जस्तै हामी जनता
निरिह जयजयकार गाउदै हिंडछौ
महाबली यूवराज दुर्योधनको जय!!!