चोखो माया प्रिती आज पुतलीको खेल भयो
साउने झरी आँखा बाट नसकिने भेल भयो.
न त पाउन सके उनलाई न त सके भुल्नै पनि
नेटो काटी उनी गइन् न त हाम्रो मेल भयो.
चन्द्रमा लाई टुक्रा पार्ने ब्रम्हाण्डका तारा झार्ने
खाएका ति बाचा कसम कागको लागि बेल भयो.
आँखा चिम्ली शिर राख्दा संसारलाई भुल्छु भन्थेउ
आज यहि छाती मेरो तिम्रो लागि जेल भयो.
कसैलाई बरदान् रे मेरो लागि श्राप् भो माया
येस्तो लाग्छ कर्म लेख्दा भाबीबाट झेल भयो.