यही मझेरी काफी छ, अन्त नफुल्नु है
जंघार तर्दा दोभानमा, मलाई नभुल्नु है
सँधैभरि तिम्रै निम्ति, बनिदिम्ला माली
हाँसी खुशी फुलै रहने, बनिदिम्ला डाली
जिन्दगीको खोलि यो, सँगै तरम् न है
गाम-बेसी र मेला पात, सँगै गरम् न है
सबको निम्ति नमुना होस्, हामी दुइको माया
सबैलाई प्यारो होस् हामी दुइको छाया
चौतारीको बर-पीपल झैं सँगै बाँचौँ न है
रुनु परे सँगै रोवौला हाँस्दा हाँसौं न है
यही मझेरी काफी छ, अन्त नफुल्नु है
जंघार तर्दा दोभानमा, मलाई नभुल्नु है
राजेश रुम्बा लामा “अतृप्त”