युगौं देखि
दोहोरिइरहेछन् : यी दृश्यहरु
र यिनको पटाक्षेप हुन बाँकि छ /
दृश्य एक –
उष्णताको घेरोभित्र
शीतल शान्त हावाको
मधुर स्तुती
दृश्य दुई
पानीको व्यग्र प्रतीक्षामा
धाँजा फाटेको खेतको जस्तै
शुष्क सपना
दृश्य तीन-
हरेक साँझ
वेपत्ता छोरो सम्झेर रोएको
आमाको हृदय
दृश्य चार-
ख्वाजाको दरवारमा पुगेर
रित्तै फर्केका हातहरु
दृश्य पाँच –
ढुंगा बनेर हाँसिरहेका
देउताहरुको प्रतिच्छाया
दृश्य छ –
खित्काहरुको माझमा
रोइरहेको मेरो हाँसो
दृश्य सात –
कुवलयापिडले कुल्चेको
राष्ट्रिय धरोहर
दृश्य आठ-
भलभली बग्ने टिस्टा खोला
सुगौलीको आँसु
दृश्य नौ –
सुर्यास्तमा पंहेलो हिमालतिर
देखाइएको कालो झन्डा
दृश्य दस –
जोखिमपूर्ण अवस्थाका
कवि र कविता
दृश्य एघार –
फुलेर पनि फूल झैं
नभएका लालुपाते
दृश्य बाह्र –
थौना गौना सिध्याएर
घर आएकी सानी केटी
दृश्य तेह्र –
अँध्यारो तिर धकेलिएका
स्वाभिमानी आवाजहरु !!