ईच्छाहरू दबाएर मार्न जान्या छैन

ईच्छाहरू दबाएर मार्न जान्या छैन
मर्दको छोरा हुँ म त हार्न जान्या छैन

आजै गर्छु जे गर्नुछ ईमान्दारीपूर्वक्
भोलि गर्छु भनी-भनी टार्न जान्या छैन

पुग्न भनी शिखरमा धरातलै बिर्सी
आफू उभ्या’ जमिन् आफै खार्न जान्या छैन्

आफू खुसी हुन हाँसो टिप्दै पोल्टा भर्दै
उसको भाग्मा दु:ख मात्रै पार्न जान्या छैन

यथार्थमा बाँच्छु सधैं वास्तविकता टिप्छु
कल्पनामा ताराहरू झार्न जान्या छैन

राजेश रुम्बा लामा ‘अतृप्त’