सम्झौता गर्न खोजेँ
आगोसित
खै त्यो चिसो भएन
सम्झौता गर्न खोजेँ
नदीसित
खै त्यो बग्न छाडेन
सम्झौता गर्न खोजेँ
पहाडसित
खै त्यो झुक्न मानेन
सम्झौता गर्न खोजेँ
स्वाभिमानसित
खै त्यो बिक्न मानेन
सम्झौता गर्न खोजेँ
आँसुसित
खै त्यो झर्न छाडेन
सम्झौता गर्न खोजेँ
दु:खसित
खै त्यो हास्न खोजेन
सम्झौता गर्ने खोजेँ
स्वार्थसित
खै त्यस्ले त्याग गरेन
सम्झोता गर्न खोजेँ
समयसित
खै त्यस्ले रोकिने नामै लिएन
अन्तिम मा
सम्झौता गर्न खोजेँ
मृत्युसित
खै त्यसले कुनै शर्त रोजेन
शेखर ढुङेल
०३-२९-२००९