यहाँ मन्दिरको प्रसाद खाने र आराधना गर्ने भन्दा
अध्यारोमा रमाउने र लुट्नेहरूको भीड छ
अनि कहाँ पाइन्छ सुख र मानवता ?
यहाँ चुसेर अरुको रगत पसिना
आफू मात्र मोटाउने चलन चलेको छ
अनि कहाँ खोज्ने प्रेम र भाइचाराको महानता ?
यहाँ आफ्नै घर जलाएर
छिमेकीलाई बोलाई आगो ताप्नेहरूको राज छ
अनि कसरी बच्छ मौलिकता र स्वाधिनता ?
यहाँ अमृत (दुध )पिउनेको भन्दा
बिष (रक्सी)पिउनेहरूको बाहुल्यता छ
अनि कसरी पाइन्छ सदाचार र संवेदनशीलता ?
यहाँ खोसेर अरुको भाग
आफ्नै भागमाथि थप्नेहरूको लडाई छ
अनि भोका ले मात्र गाएर शान्तिको गीत पाइन्छ शान्ति कहाँ ?
यहाँ पुर्खाले जोडेको हिरा मोती (माटो) फ्याकेर
अर्काको आँगनमा ज्याला थाप्न जानेहरूको लर्कन छ
अनि कसरी जोगाउने आस्था र अस्मितता ?
शेखर ढुंगेल
ओमाहा नेब्रास्का