मुटुभित्र असह्य चोट पर्नु परे जिन्दगीमा
नयनबाट धेरै आँसु झर्नु झरे जिन्दगीमा
हृदयमा पलाएका सारा रंगीन् कल्पनाहरू
नियतिले बज्र हानेर मर्नु मरे जिन्दगीमा
आत्माभित्र गम्भीर व्यथा लुकै दुनियाँको सामु
बनावटी यो हाँसोहरू छर्नु छरे जिन्दगीमा
बिपतिमा टेक्दा जतै भास्ने धर्ती यो समतल
बनाएर हिड्ने जंघार तर्नु तरे जिन्दगीमा
थकित मेरो जीवनलाई घिसार्दै अघि बढ्ने
अथक हर्- प्रयासहरू गर्नु गरे जिन्दगीमा