भुल जोसुकैबाट हुन्छ

भुल जोसुकैबाट हुन्छ तिमीबाट घात भयो
हाँस्दो खेल्दो मेरो सुखी संसार बर्वाद भयो

मायाबाट आवादी मिल्छ भन्नु भुल थियो
तिम्रो माया पलाँस मेरो माया फूल थियो

हेर्दाहेर्दै सूर्य अस्तायो दिन पनि रात भयो
हाँस्दो खेल्दो मेरो सुखी संसार बर्वाद भयो

आकृति उस्ताको उस्तै मन धमिलो भएछ
गुलियो साथ पनि चूक’झैं अमिलो भएछ

मन-चिरा परेपछि आँखाबाट बर्षात भयो
हाँस्दो खेल्दो मेरो सुखी संसार बर्वाद भयो

जता गुलियो उतै भुलिने आनी-बानिरहेछ
तिम्रो त्यो आनीबानीले मेरो बदनामी भएछ

भुल जोसुकैबाट हुन्छ, तिमीबाट घात भयो
हाँस्दो खेल्दो मेरो सुखी संसार बर्वाद भयो