आयो आयो मन्त्री आयो
कति लामो पुच्छर ल्यायो
देश त खायो खायो
हात लम्काउदै विदेश धायो
चटकेले छडी हान्यो
जे जे भन्यो त्यही मान्यो
लाखौँ लाखको खेला जान्यो
दुत व्यापारी सबै तान्यो
हेरौँ अब के के तार्यो
आधी जस्तो पुच्छर झार्यो
जोकरहरू वरिपरि
चाप्लुसी र चाकरी
आउने पाउने देखायो
खाँदै ख्वाउँदै घुमायो
के के नशा पिलायो
के तालले मन्त्री मिलायो
यता उता र्याङ ठ्याङ
पैसै पैसा छ्याङ छ्याङ
ल्याउने लाने खुलायो
थपडीवालालाई भुलायो
देश बिदेश तिन्कै भो
धुर्त्याई दाउपेच फन्कै भो
मन्त्रीले खबर पठायो
चटकेले पगरी लगायो ।।
इन्जिनियर राकेश कार्की
उपाध्यक्ष
अनेसास लस् एन्जेलस् च्याप्टर
लस् एन्जेलस्