नभन्दै रुवाएर आयो तिहार

नभन्दै रुवाएर आयो तिहार
सिरानी भिजाएर आयो तिहार

न बहिनी, दिदी नै भए साथ मेरो
सहारा छुटाएर आयो तिहार

न टीका छ याहाँ न माला उनेको
असाध्यै दुखाएर आयो तिहार

नयन्मा घुमे सेल, रोटी, अनर्सा
नियाँस्रो लगाएर आयो तिहार

बलेनन् कुनै दीप पाला भरेका
उज्यालो हराएर आयो तिहार

कहानी भए आज भैली र देउसी
खुसी त्यो धपाएर आयो तिहार

थियो भाग्य दोषी र डाँडा कटायो
विगतले सताएर आयो तिहार

शुभेच्छा गरेको छु “कोमल”मनैले
मनाऔँ रमाएर आयो तिहार
( भुजङ्गप्रयात छन्द )

कोमल भट्ट
पुरानो नैकाप, काठमाडौँ
हाल:-न्युयोर्क, अमेरिका