माया गर्ने मायालु आज कता गइदियौ
नजिक हुन खोजेथेँ तिमी टाढा भइदियौ
तिमीले छोडी गयौ किन भर्खर माया बसाएको
भुल्या छैन तिमीले मलाई दु:खमा पनि हँसाएको
मलाई सधैं हँसाउनेले आखिर रुवाइ गइदियौ
नजिक हुन खोजेथेँ तिमी टाढा भइदियौ
बुझिन तिम्रो मायालाई तिमी सामु हुँदा खेरी
बल्ल तिम्रो कमी बुझेँ आज एक्लै रुँदा खेरी
साथ हुन्छु भन्थ्यौ सधैं एक्लो पारी गइदियौ
नजिक हुन खोजेथेँ तिमी टाढा भइदियौ
पुस्कल पौडेल (—प्रतिक)