मेरो चैं भाग्यमै खोट छन् तिमीसँग छैनन्
मुटुमा हजारौं चोट छन् तिमीसँग छैनन्
ऊ माथि नियाली हेर त! आकासको जुन
हो त्यहाँ आशाका बोट छन् तिमीसँग छैनन्
हतास छ मन अझै नि केके हुन्छ भोलि
फेरि नि बाँच्ने अठोट छन् तिमीसँग छैनन्
भोकै यो जिन्दगी चल्दैन यति बुझि राख
बाँच्छु म हरियो नोट छन् तिमीसँग छैनन्
मायाको न्यानोले तुषारो छेक्छु भन्छौ,हेरौं
जाडोमा मसँग कोट छन् तिमीसँग छैनन् ।
गुप्तेश्वर-३, रामेछाप
हाल:अलऐन,युएई