मुटुभित्र दु:ख पीडा खातैखात किन हुन्छन् ।
शत्रुभन्दा आफ्नैबाट बिश्वासघात किन हुन्छन् ।1।
मल हाल्दा आशा गर्छौं बगैंचामा फूल फूलुन्
फूलभन्दा सप्रिएका झारपात किन हुन्छन् ।2।
शक्तिशाली साँढेहरू आपसैमा जुध्छन् यहाँ
निर्दोष ति गाई बाच्छा हाताहात किन हुन्छन् ।3।
दुनियाँमा पिरतिका कति अमर नजिर छन्
आजभोलि जवानीका अन्धो मात किन हुन्छन् ।4।
पाहुना भै आएका छौं यो धर्तिमा सबै प्राणी
ए मान्छे हो तिम्रो मात्रै थरजात किन हुन्छन् ।5।
छेपारोले फेरे जस्तै स्वार्थिहरू रङ्ग फेर्छन्
साँचो कुरा सुन्नु पर्दा ति हठात किन हुन्छन् ।6।
‘घायल’ झैं धैर्य गरौं देखिनेछ चरित्र त्यो
नत्र यहाँ समय र दिन रात किन हुन्छन् ।7।
गुप्तेश्वर-३, रामेछाप
हाल:अलऐन,युएई