१)
जानी नजानी एकले आज, प्यार दिएकी छे
माया गर्छु तिमीलाई भन्ने, विचार दिएकी छे
कस्तो माया हो उस्को त्यो बुझ्नै गहारो भो,
जस्तो भए नि चिनो स्वरुप, उपहार दिएकी छे ।
२)
आइन आज भेट्न, खुसीले कराइरहेछु
किन हो किन उनीसँग, यसै डराइरहेछु
अब मसँगै बस्छिन कि, सोचिरहेको थिए
सपनीमा पो रैछु, त्यत्तिकै बरबराइरहेछु ।
३)
माया माया भनी किन, बहुलाउँछौ तिमी,
आजभोलि सपनामै, हराँउछौ तिमी
सक्छौ भने आफ्नो बाटो खोजी हाल नत्र,
पागलको संज्ञा पाई कहलाउछौ तिमी ।
चन्द्रप्रसाद भट्ट
कोटेली-३, डँडेल्धुरा
हाल – परिवर्तनको संवाहक रेडियो सुदूरआवाज ९५ मेगाहर्ज, डडेल्धुरामा कार्यरत