सम्झी सम्झी रुनु भन्दा

सम्झी सम्झी रुनु भन्दा बरु पागल बनाइदेऊ
तड्पी तड्पी बाँच्नु भन्दा बरु मृत्यु मलाई देऊ

मुटु साटेकै किन माया प्रीति बसेकै किन
साथ हिडेकै किन हत्ते गरी चाहेकै किन
यो दुनिया पराई भो प्राण मेरो खोसिदेऊ
तड्पी तड्पी बाँच्नुभन्दा बरु मृत्यु मलाई देऊ

बिर्सु कसरी बिर्सु आउँछिन् सोचाइभरि
सम्झुँ कसरी सम्झुँ चर्किन्छ छाती बेसरी
यो जिन्दगी बेहाल भो सास मेरो रोकिदेऊ
तड्पी तड्पी बाँच्नुभन्दा बरु मृत्यु मलाई देऊ

शब्द – नरेशदेव पन्त
स्वर – आनन्द कार्की
संगीत – सचिन सिंह