पल्टाएर उत्तरपुस्तिकाझैँ
पटकौपटक
रेजा चिन्ह दिएको
यादमा खेलाएर
पत्रोत्सर्ग द्वयोष्ठ्यहरू
मानौं हिउँ स्की खेल्दै छौं हामी
संक्रमणको अन्धकार
मेघको नादले
फँडा उठाएर जब
सानन्द खोजी गर्छ
पुरुषत्व जगाएर शनैशनै,
बिलो भाग लगाएझैँ
नवदेशकी परी तिमी
कन्दराको राजकुमार ऊ
ऐच्छिक र ऐकान्तिक गोचर
भो भयो
फाटक बन्द गर
तिमी यौवनको
मेमोरी सिद्धएको मुटु
अब आक्रान्त भएर
दुन्दुभीको कर्कश नादमा फर्कन सक्दैन,
पराईझैँ
पहरामा आँखा ओच्छ्याएको छु
खातिर तिम्रै लागि ।
पेशल आचार्य
मोबाइल ९८४४०४४०८३