कतिन्जेल बस्छौ एक्लै एक्लै घरमै फर्क साथी
लाला बालासँग बेग्लै बेग्लै घरमै फर्क साथी
पाखुरीमा बल छँदा बिदेशमा जीवन खेर नफाल
गरौंला केही धन्दा स्वदेशमा घरमै फर्क साथी
बाबा आमा रून्छन् सधैं सम्झेर तिमीलाई हर पल
पर्ख्या छिन उनी यौवन साँचेर घरमै फर्क साथी
हेपिएर परदेशमा नोकर बन्न अब छाडी देऊ भो
उत्तम कुटीकै मालिक बन्न घरमै फर्क साथी
कतिन्जेल बस्छौ एक्लै एक्लै घरमै फर्क साथी
लाला बालासँग बेग्लै बेग्लै घरमै फर्क साथी
बाबुराम पन्थी “गुल्मेली”
तम्घास गुल्मी