पीडा

मिठो एक गाँस खानलाई चाड पर्ब कुर्ने ती आत्माहरू
भोका र नागा भाल्टाङ भुल्टुङहरूको रहर पुराउन भारी बोक्ने मनहरू
सिउँदाको सिन्दुर योगदान गर्ने चमेलीहरू।
यूद्ध जितेर घरको आँगनमा खुशीयाली फर्काउन चाहने हर्केहरू।
कति खुशी थिए नयाँ नेपालको नयाँ बिहानी डाक्न।
कति लालायित थिए तिमीलाई सिहदर्बारको कुर्सीमा राख्न।
तर के कहिले तिमीले आफ्नो खुशीभन्दा माथि उठेर सोच्यौ?
एक दिन आफू भोकै बसेर त्यो भोक को महसुस कहिले गरेर हेर्यौ?
हेर एक चोटि तिमी आशा गरेर हेर
हेर एक चोटि तिमी निराश भएर हेर
अनि आँफैभित्र खोज भोक रोग शोकको पीडा
अनी तिमी बुझ्नेछौ त्यो जन्मसँगै बोकेर ल्याएको मृत्युको पीडा।