अब त्यस्तो समय होस

अब त्यस्तो समय होस
कमजोरको विजय होस

सुमधुर धुन गुञ्जियोस
जहाँ, प्रचुर सुर र लय होस

यो दुनियाका दुखद घटनाहरू
सबका सब अभिनय होस

पाप अनि अपराध गर्नुअघि
अलिकति भगवानको भय होस

आऊ मलाई केही कुरा सुनाऊ
तर गम्भीर अलि विषय होस

यो अज्ञानताको भूमरीमा के छ
निश्चय, अचानक ज्ञानोदय होस

जुन कुरो कहिले पनि बद्लिदैन
त्यो स्वीकार या सहय होस !

अब त्यस्तो समय होस
कठोर कोरोना पराजय होस ।