भयो कान्छी

तिमीसँग बिछोडिंदा संसारै भासिएको आभास भयो कान्छी
तिमीसँगै जिउने सपना आज धर्ती आकास भयो कान्छी

मायाप्रीति सस्तो ठान्यौ विश्वाशघातको बजारमा
दुई मुटुको बिछोड हुँदा आफ्नै आँगन प्रवास भयो कान्छी

आफ्नो सम्झी सारा खुशी सुम्पिदिएँ बदलामा चोट दियौ
दोषी रैछ मेरो जीवन निभेको दीप झैं उदास भयो कान्छी

सँगै जिउने सँगै मर्ने भविष्यका रंगीन सपनाहरु
आज हाम्रो मिलन नै उडाउने चैतको बतास भयो कान्छी

विश्वासघातको बजारमा हाम्रो चोखो माया सस्तो भएछ
जीवन स्वार्थी संसारमा दुनियाँले कुल्चिने उपहास भयो कान्छी

(साथमा सहयोगी निशान गोले )