चौतारीको खोजीमा छु

मनको भारी बिसाउने चौतारीको खोजीमा छु
दु:ख कष्ट बाँड़ी बाँच्ने दौंतरीको खोजीमा छु
 
काम नगरी बसी खान पाइने पनि छ रे कतै
त्यस्तै मलाई जुराइदिने औतारीको खोजीमा छु
 
घाम पानी असिना र खडेरीलाई ओडेको छु   
दु:ख पर्दा काख लिने मतारीको खोजीमा छु
 
दु:ख कष्ट धेरै भयो इष्ट देबता रिसाए कि
चामल चरु बनाउन जौबारीको खोजीमा छु
 
शारीर बेची बाँचेका छन भन्ने सुन्छु देशभरि
आफू परें कुमार केटो कुमारीको खोजीमा छु

लखनपुर ३ झापा, नेपाल