महासागर बल्दैन कसैगरी

झरीमा रुझेर सूर्य गल्दैन कसै गरी
शीतको भारले वृक्ष ढल्दैन कसै गरी ।

असम्भव नै छैन भन्छन् जित्नेहरू तर
चाहेर रुखमा मोती फल्दैन कसै गरी ।

रोकिन्न समययात्रा काँडेबार लाए पनि
घडीको सुई उल्टो दिशा चल्दैन कसै गरी ।

यो देह पाहुना हो मर्ने, बाच्ने त नाम हो
चितामा सपुतको नाम जल्दैन कसै गरी ।

संसारै डढाउँछु भनि राँको बोकी हिँड्दछन्
आगो झोसेर महासागर बल्दैन कसै गरी ।

बालकुमारी रोड नारायणगढ चितवन ।
अग्रगामी समाजका उपाध्यक्ष एवम् पल्लव साहित्य प्रतिष्ठानका आजीवन सदस्य हुनुहुन्छ ।