रुने तिम्रो बानी नै हो शंका कति गर्छौ आज

रुने तिम्रो बानी नै हो शंका कति गर्छौ आज
विश्वासलाई घात सम्झी किन आफैं मर्छौ आज

घरिघरि चिहाएर मन मेरो किन चोर्यौ
मायालाई घात सम्झी झुटा आशा छर्छौ आज

उद्देश्य त लिनै पर्छ जिन्दगीको गोरेटोमा
साथ दिंदा पराई ठानी आफैं तल झर्छौ आज

हृदयमा तिम्रै नाम छ तर विश्वास गरिनौ नि
दिल खोले र माया दिदा त्यसै आँखा तर्छौ आज

नजर तिम्रो काँडै काडा त्यस्तै देख्यो मलाई पनि
मेरो जीवन पार्यौ बर्बाद जिम्मेवारमा पार्छौ आज ।

रामकृष्ण पौडेल –अनयाँस

2 thoughts on “रुने तिम्रो बानी नै हो शंका कति गर्छौ आज”