देश दुख्यो छातीभरि, टोलाएर गजल लेखें
के छ हाल देशको गाँउले बोलाएर गजल लेखें ।
रक्षक नै भक्षक भए भाला बोकी घुमेका छन
देश घोचे मुटुभरि लोलाएर गजल लेखें ।
नेपालीको रगतमा रमाउदै होली खेल्ने
नेताहरूको सारा कार्तुस खोलाएर गजल लेखें ।
आगो बल्यो मुटुभित्र देश सम्झी बिदेशमा
एकान्तमा बसी मुटु पोलाएर गजल लेखें ।
कर्मै यस्तो नेपालीको खेतालानै काम चोर भए
भनी मनमा दु:ख सुख घोलाएर गजल लेखें ।
तीर्थ”यात्री”पौडल