जिन्दगीको हिसाब किताब कसो गरी चुकाऊँ म ?

जिन्दगीको हिसाब किताब कसो गरी चुकाऊँ म ?
ब्यथा बढ्यो मनभरि कसो गरी लुकाऊँ म ?

संसारको रीत नै हो सुख दु:ख भोग्नु पर्ने
मनभित्रका सारा पीडा कसो गरी फुकाऊँ म ?

सफलतालाई हात पार्न सधैं प्रयास गर्दैछु म
उठाई राख्ने शिरलाई कसो गरी झुकाऊँ म ?

कालो बादल आँधी हुरी सधैं सधैं चलिरँ’दा
सुनामी झैं बग्ने आसुँ कसो गरी सुकाऊँ म ?

आशामुखी होइन म सधैं आशे बनिर’ने
“प्रभालाई”आश्रित बनाई कसो गरी ढुकाऊँ म ?

रचना -अगस्त/ १५ /२०११

3 thoughts on “जिन्दगीको हिसाब किताब कसो गरी चुकाऊँ म ?”