बक्दै गर्छ समाज यो बिर्सिदेउ समाजलाई
भोलिलाई छोडिदेउ भोलि, मेरी बन आजलाई
मायाभन्दा के छ ठूलो इतिहास पढेर हेर
धेरै भेट्छ्यौ त्याग्ने मुटु श्रीपेच र ताजलाई
माया गर्छु भन्नेहरू सबै मायै गर्ने हुनन्
खुट्याउन सक्नुपर्छ ढुकुर र बाजलाई
सबैसँग खुल्नु हुन्न ठिकै हो सोचाइ तिम्रो
म त तिम्रो आˆनो मान्छे किन बोक्छ्यौ लाजलाई
कति हिजो बिते बिर्सें, त्यस्तै कति भोलि बित्लान्
नबिर्सिने बनाउँ है आजको यो साँझलाई