चन्चले यो मनको रहर


चन्चले यो मनको रहर कसले पुरा गर्ला कान्छी
भरिएको जवानीमा कस्को? नजर पर्ला कान्छी

कोही छैन दायाँ बायाँ परेलीले बोलाउने
उर्लिएको माया मेरो अनायासै झर्ला कान्छी

फक्रिन  लागेको कोपिला नै राम्रो भन्छन
कता कता चिन्ता पर्यो मेरो रहर मर्ला कान्छी


जवानीमा कस्नु पर्छ लगन गाँठो भन्छन सबै
बुढेसकालले छोइसक्यो अब फेरि सर्ला कान्छी

कोही त होला मेरा लागि जन्मिएका संसारमा
मर्म बुझि ह्दयमा कस्ले माया छर्ला कान्छी

राजेश्वोर ढकाल “बाबु”
बगुवा -६ मछापोखरी,गोरखा
हाल-दोहा