आज पनि सम्झनामा टोलाएछु रातैभरि
बर्बराउँदै सपनामा बोलाएछु रातैभरि ।
तिमी छौ र यो ढुक ढुकी चलेको छ हेर
तिम्रो माया कल्पनामा तोलाएछु रातैभरि।
छामछुम दुवैतिर भित्तो अनि रित्तो पाए
कति मिठो भावनामा लोलाएछु रातैभरि।
लाउँछौ कि भनी कुरे तिमी आई अंगालोमा
मनका इच्छा चाहनामा खोलाएछु रातैभरि ।
मन्को धड्कन बढ्यो अनि चाह भयो फेरि
कोमल मुटु बाहानामा पोलाएछु रातैभरि ।
तिर्थ”यात्री”पौडेल
लखनपुर ३ झापा
हाल:बहराइन
१९/३/२०१२