तिम्रै यादमा तड्पिएर बसेको छु यतिखेर
सम्झनामा आँखाबाट खसेको छु यतिखेर ।
तिमी आउछौ सपनाको बाटो बिराएर
सपनीमै त्यो दिलमा पसेको छु यतिखेर ।
सक्छौ राख दिल भित्रै पिंजडाको सुगासरी
तिम्रो फोटो अंगालोमा कसेको छु यतिखेर ।
तिमी आउछौ चलाउछौ स्मृतिको मिठो पल
स्मृतिमा मैले तिम्लाई डसेको छु यतिखेर ।
कस्तो हान्यौ मायाजाल मृगतृष्णा बोकी
मायाजालमा माछी भई फसेको छु यतिखेर ।
तिर्थ”यात्री”पौडेल