संघीयताको आगो देशमा बलेपछि थाहा पायौ
खण्ड अनि अखण्ड भई लडेपछि थाहा पायौ ।
गाउँ बस्ती बुकुरामा अधिकारका कुरा गर्यौ
अधिकार खातिर देशै जलेपछि थाहा पायौ ।
नेता तिमीले जनतालाई लडाएछौ आपसमा
होस खुली बिरुद्धमा बढेपछि थाहा पायौ ।
भालुको कान भएको छ संघीयता तिम्लाई
जनतामा राजनीति चेत गडेपछि थाहा पायौ ।
किन छर्यौ हक, हित, अधिकारको बिऊ पहिले
बिरुवा उम्री, हुर्की थाँक्रो चढेपछि थाहा पायौ ।
तिर्थ”यात्री”पौडेल