आयो हुरी आँधी बनेर,
विध्वंस पार्ने हो कि कतै ।
अँध्यारो छाउने केश छरेर,
कालोरात बनाउँदै जताततै ।
अनिष्ठताले आँखा खोल्यो,
विनम्रताले मुख मोड्यो ।
शान्ति हराउँदै कुकृत्य बढ्यो,
विदेशीका नजर झनझन गड्यो ।
सुध्रिन्न कि मति अब,
क्रान्तिको विगुल जातमा ।
जसले गर्दैनन् केही
फर्किन्छ सत्ता उही हातमा ।
उक्साउने भए सबै यहाँ,
खेताला हाल्दै भत्काउन ।
जीवन आफ्नो उँचो देख्छन्,
सक्छन् यी गरिब लत्याउन ।
सक्दैनौ गर्न तिमी हट,
निम्तोमा कोही आउला ।
सिंगार्ला मण्डप झैं
अखण्ड गरी जनता मिलाउला ।
सेचन गरी फूलहरूको
शान्ति छरी बुद्धत्वको ।
आफ्नै मुटुमा बसाए उसले,
गर्ला रक्षा देश र प्रकृतिको ।
सुरज गिरी
शिवमन्दिर, नवलपरासी