स्वर्ग जस्तो संसारमा

स्वर्ग जस्तो संसारमा, सीता जस्ती नारी
सुकोमल भावनामा, हाँस्थ्यो घर बारी

सुषमाको ज्योति आउने सधैँ मिर्मिरेमा
प्रभातिले नौलो किरण छर्थ्यो वारी पारी

ढकमक्क कुसुमले खुसी छायो दिलमा
हाँसी खुसि फैलिएका वन पाखा घारी

पूजा, पाठ, अर्चना र सद्भावना बाँड्दै
सद्प्रेमले भक्तिभाव हुन्थे मन कारी

सन्तोषले रमाउथ्यौँ सुख, शान्ति, घरमा
आपसमा माया प्रेम सबै सदा चारी

मगमग सौरभले बगैंचा नै ढाक्यो
सबै बस्थ्यौँ आनन्दले बिसाएर भारी

कोमल भट्ट, नैकाप काठमाडौँ ।
हाल:- न्युयोर्क, अमेरिका
October 31, 2012