पदका लागि जन्मेका हामी
पदकै लागि मरी मेट्ने गर्छौ
इतिहास आफैँ बोल्छ
हाम्ले भाइभारदारहरूलाई पनि मार्यौं
पदकै लागि
पदले हामीलाई लोभ्याउँछ
पदले हामीलाई झस्काउँछ
पदले हामीलाई बोलाउँछ
पदको संस्कारमा हुर्केका हामी
सिन्का भएर छर्ने गर्छौ
सुरसा भएर राज गर्न
पदमा बसुन्जेल सबलाई हाई हाई
पद छोडेपछि सबलाई बाई बाई
यो त संस्कार हो
एउटा पदमा बसेर पनि
अर्को पदको आस गर्न
यो त संस्कार हो
पदकै लागि जुटाउन फुटाउन लुटाउन जन्मेका हामी
फुटाएरै राज गरिरा’छौं
यो त संस्कार हो
देशदेखि विदेशसम्म
पदकै संस्कार लिएर
हामी हुर्केका छौं
यो त संस्कार हो
आज मैले नयाँ पद पाए
चित्त नबुझे भोलि तोड्छु
सधै त संस्था तोडिन्छन्, नयाँ पद फेर्नु
पत्याउनु हुँदैन भने आजको समाचार हेर्नु
पदको लागि सबलाई सत्कार
पदको लागि सबलाई बहिस्कार
यही त पद संस्कार हो ।
डा. गोबिन्दसिंह रावत
टोरोन्टो