मृत्यु दैव समयलाई छेक्छु भन्दा छेकिदैन
आफ्नो भाग्य आज आफै लेख्छु भन्दा लेखिदैन ।
नियतिको खेल नै हो कर्मको फल भोग्नु पर्छ
त्यसैले म आज स्वर्ग देख्छु भन्दा देखिदैन ।
जे लेख्या छ बिधाताले त्यही हुन्छ निधारमा
राम्रो लेखि नराम्रोलाई मेट्छु भन्दा मेटिदैन ।
मरेपछि चितामा लास बगरमा जलाउदा
आफ्नै अस्तु अन्तिम चोटी भेट्छु भन्दा भेटिदैन ।
रामकृष्ण पौडेल “अनयास”
भरतपुर-१३, गजलकुन्ज
चितवन