कुरा काट्छ समाज (सवाल-जवाफ)

  • by
SaraswotiNeupane


सवाल – सरस्वती न्यौपाने

तिमी र म सँगै बसी पढ्दा कुरा काट्छ समाज
पँधेरीमा सँगै पानी भर्दा कुरा काट्छ समाज ।

पवित्र यो संम्बन्धमा गिद्धे नजर लाउन खोजी
क्याम्पस जादा एउटै साईकल चढ्दा कुरा काट्छ समाज ।

रगतको नाता होईन मनको नाता गाढा हाम्रो
सँगै बसी कुरा कानि, गर्दा कुरा काट्छ समाज ।

तिमीसँगै मेलापात जाँदा अनि वनपाखा
घाँस दाउरा गर्दै भन्ज्याङ, झर्दा कुरा काट्छ समाज ।

पुग्नु पर्ने खोलापारी आको रै छ ठुलै बाढी
हात समाई सँगै खोला तर्दा कुरा काट्छ समाज ।

जवाफ – रामकृष्ण पौडेल “अनयास”

तिम्रो मेरो संम्बन्धमा, कुरा काट्छन काट्न देऊ
चोखो प्रेम मार्न समाज, जे आँट्नेहुन आँट्न देऊ ।

दैव लागोस् गाउँले लागुन जिन्दगीभर छुट्टिदैनौ
वरपीपलको हाम्रो जोडी नास्ने भए नास्न देऊ ।

मुटु धड्कन हाम्रो एउटै रगतको कुरै छाड
यति हुदा आरोप लाउन आँट्छन भने आँट्न देऊ ।

लेकबेँसी बनपाखा मेलापातमा लाउँदा माया
अपराधी हुन भन्दै फोटो, टाँसे देखुन टाँस्न देऊ ।

बाँच्दा सँगै मर्दा हामी एकै साथ मर्नु पर्छ
भन्दै खोला तर्दा आखिर के ढाँट्ने हुन ढाँट्न देऊ ।

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *