शुक्लपक्ष रातको आज जूनले रुवाउँदैछ

शुक्लपक्ष रातको आज जूनले रुवाउँदैछ
आफैं टाढा हुँदा मंगल धूनले रुवाउँदैछ ।।

कमेरो र रातो माटो लाउँदै हुन्थें घरमा
बिरानो यो शहरको चूनले रुवाउँदैछ ।।

खुशीभित्र लुट्पुटियो होला सिङ्गै बस्ती
मेरो झुप्रो ऋणमा, भुटुन नुनले रुवाउँदैछ ।।

यही बेला आउँछन् अरे साहू पैसा माग्न
मजबुरीमा आज उनकै गुणले रुवाउँदैछ ।।

पीडा मनमा लुकाई हास्न खोज्दा नानीहरू
अवाक छु आज तिनकै छुन्मुनले रुवाउँदैछ ।।

शुक्लपक्ष रातको आज जूनले रुवाउँदैछ
आफैं टाढा हुँदा मंगल धूनले रुवाउँदैछ ।।