भित्तामा मर्नेहरूको तस्वीर झुण्ड्याइन्छ
अनि देशको गौरव इतिहास पढाइन्छ
यो यस्तो कृषिप्रधान देश हो कि जहाँ
कुटो-कुदालोभन्दा धेरै मसाल समाइन्छ
मुख्य कार्यालयहरूमा लेखियोस् कि बरु
यहाँ मात्र विकासका योजना बनाइन्छ
बोलेर देश चलाउनेवाट धम्की आएको छ
अब लेख्नेहरूको पनि अस्तित्व मेटाइन्छ
साना नानीहरूलाई एकाबिहानै झोलामा
ठूलो भविष्य वोकाएर स्कुल पठाइन्छ
किसानका नेतालाई यति त थाहा होस्
कुन समयमा कुन बाली लगाइन्छ
मेरा प्राय मित्रलाई थाहा छ यो गुराँस
साँझ परेछि कहाँ कुन भट्टीमा पाइन्छ
अमृत सुबेदी गुराँस, तनहुँ