ए-भन मेरा भाइ हो … देउसिरे ।
राम्ररी भन … .
स्वर मिलाई कन …
देउसिरे भन … देउसिरे ।
वर्ष दिनको …
चाँडपर्व …
मनाउदै आएको … देउसिरे ।
रातो माटो … .
चिप्लो बाटो …
लडदै-पडदै …
देउसिरे खेल्न …
आएका हामी … देउसिरे ।
ए …
यो घरै कत्रो …
फाईभ इस्टार …
होटलै जत्रो …
यो आँगन कत्रो …
टुडिखेल जत्रो …
ए …
परेवापंखी …
उडदामा क्यारे …
सूर्य नै छेलुन …
बस्दामा क्यारे …
छानै ढाकुन … देउसिरे ।
ए …
छाना माथी घिरौला …
यी आमैले के-के दिन्छिन हेरौला …
आखुम-पाखुम …
तातो-तातो सेल रोटी चाखुम …
ए …
हर-हर …
छिट्टो गर …
यहाँ मात्र होईन …
चौध अंचल …
पच्हतर जिल्ला …
पुग्नै पर्ने … देउसिरे ।
ए …
भट्याउनेको …
स्वरै सुक्यो …
आउदा-आउदा …
यो बेला भयो …
हामी त्यसै …
आएका होईनौ …
वलि राजाको …
हुकुम पाई …
देउसिरे खेल्न …
आएका हामी … देउसिरे ।
ए …
छिट्टो गर …
दिने भए देऊ …
नदिने भए …
हामीलाई विदा देऊ … देउसिरे ।
आंशिष !
ए …
यसै घरमा …
सधै भरी …
लक्ष्मिले बास गरून …
मुठ्ठी माना-माना पाथी …
पाथी-मुरी …
भई रहोस …
उपियँा जस्तै …
रूपियँा बनि रहोस …
ए-लेखको काने … देउसिरे !
ए-औलैको माँने … देउसिरे
ए-एेति भन्दै जाँने … देउसिरे !!