यस्तो पनि हुँदो रैछ

यस्तो पनि हुँदो रैछ जिन्दगीमा कहिले कहिले
कसैलाई माया गर्नु एउटा भुल गरे मैले

मेरो जस्तो माया दिने तिमीलाई हजार होला
तिम्रो लागि मेराजस्ता हजार हजार मुटु रोला
जसलाई आफ्नो सम्झेको थें उही बिरानो भयो अहिले
कसैलाई माया गर्नु एउटा भुल गरे मैले

मेरो माया कुल्चिजाने तिम्रो माया फलोस फुलोस
मेरो इच्छा मारिजाने तिम्रो इच्छा सधै पुगोस
उदास आख़ाँ मेरा पनि सपना देख्थे कहिले कहिले
कसैलाई माया गर्नु एउटा भुल गरे मैले

शब्द – यादव खरेल
स्वर – फत्तेमान
संगीत – नातीकाजी
एल्बम – यस्तो पनि हुँदो रैछ