बाणले झैँ मुटु छेड्ने तिम्रो नजरको तिर

बाणले झैँ मुटु छेड्ने तिम्रो नजरको तिर
दोष लग्यो मलाई प्रिय तिम्रो त्यो नजरको
तिम्रो त्यो यौवन अनि गुलाबी त्यो अधरको

डुइपल नजर के जुधेथे कुरा काट्ने बाटो भयो
चर्चा सिखर चढाईदिए यो सिङ्गै सहरको
सारा सहर दिवाना भो झुटो प्रेम लहरको

कल्पनामै भए पनि दुइ दिन त रमायेछु
अमृतझैँ पिई हिडें प्याला त्यो जहरको
छिटो पनि परेननि त्यो तिम्रो प्रेम नहरको

हल्ला संगै बिलाई गयो तिम्रो मेरो साथपनि
साथी तिम्ले अर्कै रोज्दा हाँसो हाँसे यो रहरको
आखिरमा ढुंगा भए म यो प्रेम बगरको