असार पन्ध्र आजको दिन हिलोमा मैलोमा
डुबाई हात डुबाइ खुट्टा हाँसेर रमेर
छ्यापेर हिलो हल्लाई शिर कम्मर मर्काई
छुपुमा छुपु रोपेर धान नाचेर गाएर
चिउरा दही मुछेर खाई आजको दिनमा
खेताला सबै किसान सबै आजको दिनमा
बिभेद छैन बिमति छैन रमेको दिनमा
कोरेको मैले असारे छन्द आजको दिनमा
हलोले जोती मानोमा रोपी कृषिको देशमा
लागौंन हामी जुटौंन हामी पाउन मुरीमा
मल र खाद पुगेको छैन जोतेको खेतमा
तैपनी बनी बुतोमा गरी रोपौंन सबैले
नाचौंन सबै भुलेर दुःख गिताङ्गी तालमा
गाऔंन साथी आजको दिन असारे भाकामा
असारे लय रमेर गाऔं दिवस धानको
खुलेर नाचौं बधाइ दिऔं असार पन्ध्रको
छन्द :– असारे छन्द ३ २ ३ २ ३ ३ १६
२०७० असार १५
बिजु सुवेदी “विजय”
कुलेश्वर, काठमाण्डौं
bijusubedi@gmail.com