हामी दुईको बिचमा सानु कुलघरान जात थियो
धनी गरिव आकाश पाताल संम्बन्धको बात थियो ।
मेरो हातको चल्ने भए बाँड्थे आधि गास पनि
बार्न खोज्नु चुलोचौको तिम्रो ठुलो मात थियो ।
धुरि खाम्बो भाँचिएको चुहिने खरको छानो मेरो
के निदाउथ्यौ खाने बस्ने भिन्ना भिन्नै खाट थियो ।
रगत एउटै भए पनि छुदा सुनपानी छर्कि
सम्पत्ति र जात दाँज्नु आखिर तिम्रो घात थियो ।
ईज्जत ढाक्ने एकहात बस्त्र मुख जोर्ने गास अनि
बाँचुन्जेल सहाराको खाँचो तिम्रो हात थियो ।
रामकृष्ण पौडेल अनयाँस
भरतपुर- १३, गजलकुन्ज
चितवन