तीजको रहर पनि गयो बरिलै

तीजको रहर पनि गयो बरिलै
खुसीको लहर पनि गयो बरिलै

दु:ख सुख सबैमा घुम्छ फन्फनी
कैयौंको कहर पनि गयो बरिलै

रङ्गी चंगी झल्केका सबै निख्रिए
मस्तीको शहर पनि गयो बरिलै

तड्पे होलान कति त तीखा बाणले
आँसुको जहर पनि गयो बरिलै

कोही हाँसे मनग्यै कोही रोइरहे
भाग्यको ठहर पनि गयो बरिलै

बाटो लाग्यो चाहाड बर्ष दिनैको
आनन्दी पहर पनि गयो बरिलै

कोमल भट्ट
पुरानो नैकाप, काठमाडौँ
हाल :- न्युयोर्क, अमेरिका