गर्दैछु आज अनुभूति आफ्नो चिताको
जीवनका ती क्षण आफै सामु उडेको
याद छन् तिमीसँग बितेका ती पलहरूका
तिमीलाई बुझ्ने मेरो चाहनाहरूका
सपनाले बुनेका माया अनि विपनाले ल्याएका संघर्षहरूका
कस्तो अमूल्य छिन त्यो निद्रा सरीको
आनन्द पल थियो जीवन भरिको
आएछ त्यो दिन बिहानी नलिई
गएछ सुटुक्क राततिर साँझै नभई
मेटिनु रहेछ एक दिन- नजानेर के भो ?
छुट्टिनु रहेछ,
कहाँ, कसरी, कैले – नदेखेर के भो ?
गर्दैछु आज अनुभूति आफ्नो चिताको
जीवनका ती क्षण आफै सामु उडेको