जङ्गलको माझमा पनि फूल फूल्छ

जङ्गलको माझमा पनि फूल फूल्छ साथी
रमाउँदै डाली डाली चरि डुल्छ साथी

जिउनु नै छ काँडामाथि हिँड्न सक्नु पर्छ
पहिलो पाईला चालेपछि बाटो खुल्छ साथी

अँध्यारो र ढुङ्गा बाटो कति आउँछ कति
चर्को घाम तातो बगर खुट्टा पोल्छ साथी

सक्दिन म गर्न केही नसोच है कहिले
दनदनी आगो हुन्छ मन जल्छ साथी

हिंड्दै जाँदा बाटो कतै ठेस पनि लाग्ला
चिप्लिएर पैताला यी मान्छे ढल्छ साथी

अफ्ठेरो त जीन्दगिमा आउँछ घरि घरि
हार खानु हुन्न कबै जीवन फल्छ साथी

सृजना न्यौपाने
दमक झापा