उसो त यहा नानाभाती देखिन्छ

उसो त यहा नानाभाती देखिन्छ
आफ्नो जुम्रा अरूको हाती देखिन्छ

धोका खाएको मान्छेको नयनमा
गुलाब पनि तितेपाती देखिन्छ

यो शहर त्यति इमानको छैन
लुटिएको बधुको ताती देखिन्छ

साह्रै घिनलाग्दो छ राजनीति
जनताभन्दा गुण्डा जाति देखिन्छ

शान्ति र सम्बिधान लेखन आज
कुर्शीको निहुमा आपती देखिन्छ।

अस्तु:
बिबेक दुलाल क्षेत्री दमक
वास्तविक नाम: भानुभक्त दुलाल
दमक, झापा