तिम्रो त्यो जीबनमा न आयो उज्यालो

तिम्रो त्यो जीबनमा न आयो उज्यालो
मेरो नि जीबनमा हरायो उज्यालो

मायालु मुटुको धड्कनै रोकियो
खै ! कस्ले कसरी भगायो उज्यालो

सुनौलो ज्योतिले चम्किन चाहन्थें
अँध्यरी जागै छ निदायो उज्यालो

यो छाती चिरिन्छ परेली दर्किन्छ
आँखामा काँडा झैं बिझायो उज्यालो

‘घायल’को मुस्कान कहिल्यै आएन
बताऊ,किन यो बनायो उज्यालो

दलबीर सिंह बराइली ‘घायल’
गुप्तेश्वर-३,रामेछाप
हाल:अबुधाबी,युएई